是否真係有墨西哥包呢？
其實香港人從少就同墨西哥結下了不解之緣的！ 為何呢？ 因為香港人都喜歡吃港式墨西哥包的， 而喜愛的程度， 相信不下於港式波蘿包的。！
記得之前看過香港的電視節目 "向XX出發"， 其中有幾集講墨西哥的， 而印象最深刻的是節目中提及"墨西哥是沒有墨西哥包的"， 其實是否真係無呢？ 奇今次就同大家走訪墨西哥的面包店去証實一下吧！
去完奇琴依察瑪雅遺址後， 便繼續趕巴士往 "美麗達"，再坐通宵巴士前往 "柏蓮克"， 這樣便可省回一晚的酒店錢了！ 而旅遊書說過美麗達這城市同名字一樣的漂亮， 所以都希望可早的到達， 然後於坐通宵巴士前花幾小時遊下美麗達這城市。 不過今於主要不是同大家介紹這城市， 因為介紹得太多瑪雅遺址同城市觀光給大家的話，怕大家覺得悶， 而不再來看奇的遊記呢！ 所以今次先同大家去返次特別的旅程， 就是同大家於墨西哥的美麗達尋找墨西哥包！ 係未出發前，不如大家先猜猜墨西哥是否真係有墨西哥包的？
於奇琴依察乘坐巴士往"美麗達, Merida"， 需 106 Peso，約$10 USD，旅遊書和網站說約需兩小時， 最後當然又錯啦！ 中途經過一些餐廳， 但完全無人光顧， 而且又山卡拉的！ 看來可能是旅行團用團餐的地方呢！
中途經過好Local 的村落， 不是遊客區的地方， 好靜的感覺！ 上落車都是當地的居民。
Local 小村落的教堂， 教堂前的廣場。
好特別色彩的房屋
經過另一村落的教堂， 下次再同大家介紹返墨西哥的歷史吧！ 墨西哥都算是人口多的國家呢！
通常經過村落都有中央廣場的，村民都愛在中央廣場 "Hea" 下， 交流下！ 由於奇琴依察和美麗達都位於猶他坦半島， 而又擁有很多瑪雅遺址， 經過都是很多瑪雅村落， 很多穿著傳統服裝。
巴士經過好多街邊賣水果的， 波蘿的英語是 Pineapple， 而西班牙文是 Pina。15 Peso， 約 $1.4USD 一個！
到達美麗達ADO車站，原本兩小時的車程，卻花了三個小時！ 看來每次的車程都遲了很多， 放車站買定通宵巴士車票去柏蓮克，售票員見我不大會西班牙文， 於是便見奇看電腦的LCD， 問買邊班車， 晚上共有三班車往柏蓮克， 7:30pm, 22:00pm, or 23:50pm, 旅遊書所寫的車程要八個多小時的車程， 於是心想必定會多花更多的車程，搭了幾次車都遲開車的， 話七點幾開車可能會變成八點幾才開！ 話八小時的車程可能會花超過十小時呢！ 看看時間才三時， 花四個多小時行下Downtown 都夠啦！ 於是原本打算買22:00pm班車便改成買7:30pm班通宵車！....點之差點出事！ 下次再講返點樣差點出事啦！
車站對面有寄存行李的地方， 但計重量， 第一個行李背包有成二幾三十磅， 收得幾貴， 於是只寄存一個， 想省點錢， 但行了幾條街後， 發覺另一手提包好重，內有電腦、 Charger, 衣服， 幾本書...... 真係好重， 而且天氣勁熱！ T-shirt 已濕哂！ 所以都係唔得！看見剛才寄存行李的地方都應該廠安全， 於是唯有行返去寄存的地方， 寄存埋手提包， 兩件行李共需14Peso/hr！
本來於美麗達時是差不多離開的時候才去行面包店的， 不過現在先同大家行下面包店找墨西哥包先啦！ 這是位於美麗達市內經過最大的一間面包店， 裝飾普通， 算是平民化的，價錢平，多種類，入去買的都是當地居民！ 級數當然沒大家看見電視旅遊節目中的高啦！又無電視節目中的面包高級！ 不過奇帶大家去的地方勝在夠local， 大家可以真係看到當地人吃的是甚麼！
其實Local 的墨西哥面包店，沒裝飾！ 同香港的日式的面包店的種類是沒有得比的， 不過勝在簡單， 不太多花巧， 價錢合理， 只求又飽肚！不過 Size 當然還大過香港的！
Size 大過大家平時食的很多的！食一個都夠飽了！ 其實面包於墨西哥並不是最流行的主食， 而最流行的可算是玉米餅和 Taco。
蛋糕都是簡單形式的， 都幾低食， 只需約兩塊多美元！
有心形的蛋糕，大大件的心形蛋糕，送給女孩子會喜歡嗎？
唔鐘意的話，送星星蛋糕吧！ 都係係食夾大件！
電視節目和很多流傳都話沒有墨西哥包的！究竟有沒有墨西哥包的呢？ 當然啦！帶得大家來是不會白行的！ 其實奇已經收到風是真係有墨西哥包的！而且於墨西哥係好普遍的！ 是較Local 化的食品，酒店或高級的面包店就可能無得賣， 其實於一般的面包店都有墨西哥包賣的， 以下奇都有相片証明其它地方都能買到的！ 而且不單單於墨西哥流行， 其實於危地馬拉和洪都拉斯的中美洲國家也流行食的！
其實這面包的名稱是concha， 是一種墨西哥和危地馬拉都流行吃的甜面包， 尤其是早點或下午茶，不過於危地馬拉吃到的Size 就細好多， 記得於危地馬拉火山湖學西語時， 每天早上 10:30am Break 時， 學校都預備了這種面包給老師和學生當茶點吃的！
為何墨西哥包會傳入香港呢？看過網上資料於上世紀中時， 有一從廣東移民往墨西哥的夫婦， 本於墨西哥做生意的， 當時墨國的治安差得利害， 送貨也要拿槍的， 後來他們離開墨西哥去了香港，並且於上海街開了一間冰室， 名叫墨西哥冰室， 他們想起了墨西哥的甜食 concha， 於是便把這食品改良，混合了波蘿包的做法，創出了港式墨西哥包出來。 而到了今時今日，港式墨西哥包更轉口變外銷， 於外地的港式面包店都可能買到呢！ 而原來這面包背後有這故事的！ 而因為混合了港式波蘿包的做法， 所以原裝的Concha 可算是爸爸了， 而港式波蘿包可算是媽媽了， 混合出來的港式墨西哥包可算是兒子！ 所以今次奇可算是帶大家去尋找港式墨西哥包的於墨西哥的爸爸呢！ 真係好有意義呢！
所以找到爸爸當天時， 都要買返個來食 (5 Peso, 約$0.4USD)， 味道好同港式的好接近， 不過就沒香港的新鮮和鬆化， 感覺就好似...其實大家可以想象到是甚麼味道的， 就等於今天買了的面包，過了兩天才食的感覺， 所以大家不用去墨西哥試了， 就今天買個墨西哥包回家， 兩天後才吃， 便知道 "爸爸的味道了"！
於墨西哥 Cancun 市中心的一間超市內都有售賣， 這個賣相較好！ 當然啦！ 墨西哥其它地方和危國也一樣容易買來食的！
店員可能覺得奇是傻傻地的！ 係咁影 D 面包！
Cancun 市內的另一賣相更加似香港的墨西哥包，電視節目的墨西哥旅遊節目中所說墨西哥沒有墨西哥包是錯的！ 奇於這裡証明於墨西哥是真係有墨西哥包的！ 為了記念尋找到 "爸爸"， 可否請求各位看過這遊記的朋友，都去買返兩個港式墨西哥包食下呢！ 請大家回應返有買到來食！ 小小請求！可以嗎？
我今個星期六都會去 NJ 的Hong Kong Supermarket 內的港式面包店買返兩個墨西哥包來當早點吃的！ 希望朋友們也會買來吃啦！
回覆刪除攪到我都想試味呢
回覆刪除[版主回覆06/02/2011 19:48:00]你也寫下關於墨西哥包的食經啦！ 你常有特別的看法呢！ 好想多看你寫的東西！
kei: 真是好久都冇吃過墨西哥包了!
回覆刪除記得它的甜靣真是香滑好味道呢! 曾經是我的至愛呀!
現在澳門都冇生產這墨西哥媽媽了!
[版主回覆06/02/2011 19:46:00]我都想回香港時順便過澳門一次食下野， 看看博物館呢！
你唔講由自可, 講起我的麵包為食蟲即刻到了 , 我童年最鍾意食菠蘿包和墨西哥包0架 , 但香港現在都唔係周圍有墨西哥包賣0架 , 一陣我都去試揾下先 .
回覆刪除[版主回覆06/02/2011 19:42:00]我都想馬上回香港食呢！ 香港的感覺特別好食！
去星洲無星洲炒米，去海南島無海南雞飯，但去墨西哥有墨西哥包 原來港式墨西哥包係同菠蘿包mix出來，我地又學到野。
回覆刪除我都愛吃墨西哥飽呀
回覆刪除[版主回覆06/02/2011 19:41:00]我都是呢！
墨西哥條紋好深喎．同香港好似有ｄ分別，有ｄ似．．．．龜
回覆刪除[版主回覆06/02/2011 19:33:00]concha 的意思是貝殼， 所以這樣深！
係要深入去到"local"地方先見到 local 事物，响旅遊區未必見到"local"嘢。响墨西哥當然會有墨西哥麵包啦！不過就唔同"港式"的。我住呢度都有墨西哥麵包賣，响港式麵包舖就有港式麵包，响中南美州的麵包鋪就會有正宗一的墨西哥麵包
回覆刪除[版主回覆06/02/2011 19:39:00]哈哈！ 只是覺得有趣同大家分享下呢！
嘩咁多款式! thanks for sharing
回覆刪除[版主回覆06/06/2011 10:13:00]Gracias！
或者啦...我去買一個來試，因為我唔中意食甜包。
回覆刪除[版主回覆06/06/2011 10:12:00]墨西哥人喜愛甜包的！
墨西哥人會將面包放在家中, 唔放雪櫃, 食足一星期--->好恐怖.
回覆刪除[版主回覆06/06/2011 10:11:00]真可怕！
睇落有小小似 棒球
回覆刪除[版主回覆06/06/2011 10:11:00]都似！
好耐冇食過墨西哥包
回覆刪除[版主回覆06/06/2011 10:11:00]我回香港後請你食啦！
旅遊特輯說沒有墨西哥可能是因為他們沒有深入民居啦! 香港有些叫墨西哥奶黃包, 都是進化版吧! 等我返香港時都買返個"仔仔"嚟食下!
回覆刪除[版主回覆06/05/2011 12:03:00]等我返香港時都買返個"仔仔"嚟食下! 好有趣呢！
原來真係有墨西哥包
回覆刪除[版主回覆06/06/2011 10:10:00]哈哈！ 之前收到風呢！ 我有些墨西哥朋友的！
回覆刪除kei: 你好!墨西哥有冇粽食呀?
祝端午佳節快樂！
端陽---子格格
滔滔江水浪龍舟
孤影屈原鑼鼓抽
淡素粽兒懷古事
聖賢壯志未能酬
[版主回覆06/05/2011 12:01:00]哈哈！ 給你看穿了！ 你怎知我想寫甚麼的？
我昨日買了一個墨西哥包 , 不過回家即刻就食咗 ,
回覆刪除現在唔係周圍有得賣 , 要去那些舊式麵包店才買到 , 味道同以前差不多 , 但包面上的甜皮就薄到不得了 , 而且變成迷利形墨西哥包 .
[版主回覆06/12/2011 09:43:00]可惜我家附近的中國超市都無呢！
我都唔知自已有冇食過墨西哥包??
回覆刪除[版主回覆06/12/2011 09:41:00]可能美國少有的！
我都好鐘意食港式墨西哥包，不過宜家好難搵到
回覆刪除[版主回覆06/12/2011 09:40:00]我下次返香港都要吃呢！
Hahahaha~~~~我好少食甜飽，通常食全麥方面就算，健康0的！ 睇你咁寫，看來墨西哥人都係較鍾意食甜包吧，同美國人一樣，話時話美國人最飛佛的冬甩真係甜到漏，頂唔順
回覆刪除[版主回覆06/12/2011 09:40:00]我最怕冬甩的！又甜！
對啊，看旅遊書、旅遊電視節目，但讀萬卷書，不如行萬里路又無錯啵，真係百聞不如一見！最好是可以 自己親身經歷！
回覆刪除[版主回覆06/12/2011 09:39:00]你也有很有興趣的旅程呢！
好在有你證明真的有墨西哥包啊! 你真了得呀!
回覆刪除[版主回覆06/12/2011 09:38:00]多謝你！只是小小的分享！
寫得很好!謝謝你!我遲d去都搵呢個麥西哥包食下先!
回覆刪除[版主回覆06/12/2011 09:38:00]不過墨西哥的包包沒想象中好吃的！
在瑪雅遇不到公主的愛情, 但在墨西哥找到麵包, 可說是不枉此行吧, 愛情與麵包, 自古就是難以兼得的! KEI您本多情, 上海找不到上海粗炒, 墨西哥找不到墨西哥包又如何, 只要在溫柔鄉內可以找到溫柔, 那麼一切都是可以原諒的, 哈哈
回覆刪除[版主回覆06/13/2011 08:35:00]墨西哥人的主食是玉米， 所以他們會選擇玉米餅或愛情的！
in my opinion, both Concha in Mexico and Hong Kong are taste good with their own favor. It is true that Concha in MX are more hard and dry, but i think it's its own style! Just like the weather there! You can't say it's worser than HK.
回覆刪除[版主回覆07/19/2011 19:57:00]Sure! I mean we might not feel taste that well because we use to taste our own favor! .. But Concha is good to try!
去墨西哥麵包鋪買麵包, 係用一個好Q大O既盤, 同我地香港個四方盤差好鬼遠! 不過, 人地O既麵包真係好實在... 好飽肚!
回覆刪除[版主回覆07/20/2011 09:49:00]是的，我也覺得又大個又飽肚呢！
多謝分享, 聽日買番個墨西哥包吃.
回覆刪除[版主回覆07/20/2011 09:44:00]我都好耐無食墨西哥包呢！
網誌管理員已經移除這則留言。
回覆刪除【重油炒麵】 上海人都知既
回覆刪除只不過依家話要健康飲食，多油唔健康，差不多85後果班少食了
kei ,我從來都冇食過墨西哥包架hahahaha...連菠蘿包都少食...好少去買呢類包食呢...鐘意食法包, 意式包...好多旅遊節目都係誇大黎做show架啦...
回覆刪除向墨西哥嘆墨西哥包，正！俾個Like 先！
回覆刪除[版主回覆09/02/2013 07:37:50]Thanks/1